قصيدتي الحزينة

blockquote class="postcontent restore ">

قصيدتي الحزينة

يواسيني وانا الميتة وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب ياحبيبي ومهما قلت من كلمات

صغيره في كبر حقك بس اتمنى تعذرني

نهبت الفرح من بيتي صحيح اني خسيس الذات

صحيح اني صبية طايشة وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد بعدك وغابت نشوة اللذات

وصار الهم عكازي اباكيه ويباكيني

عطيتني بدون حساب ولا سمعتك تقول هات

وانا اشرب حيل من دمك ودمك ما يكفيني

ياحبيبي ارجع كافي ابجلس معك لو لحظات

وافرش لك رمش عيني

ياحبيبي ما تحملهم يقولوا فات ما قد مات

تعال غير هالقول واطيعك باقي سنيني

ياحبيبي ارجع تكفى وطفي شمعة الآهات

ابيك انت ولا غيرك على موتي تعزني

وضمني وداويني مثل ما كانت الهقوات

ما ابي احدن يواسيني ابيك انت تواسيني

دخيلك بس لا تبكي اذا شفت بي الدمعات

انا مقوى ابكيك اذا انت تبكيني